नेपालको अन्तरिम संविधान, २०६३ को धारा १५९-(४) ले "राजा वीरेन्द्र, रानी ऐर्श्वर्य र निजहरुको परिवारको सम्पत्ति नेपाल सरकारको मातहतमा ल्याई ट्रष्ट बनाएर राष्ट्रहितमा प्रयोग गरिनेछ" भन्ने व्यवस्था गरे मुताविक नेपाल ट्रष्ट स्थापना र सञ्चालन सम्बन्धमा व्यवस्था गर्ने अध्यादेश, २०६४ जारी भई नेपाल ट्रष्ट स्थापना भएको देखिन्छ ।

• नेपाल ट्रष्टमा प्राप्त भएका र पछि प्राप्त हुने चल, अचल सम्पत्तिको चीरकालपर्यन्त संरक्षण र सदुपयोग गर्ने।
• नेपाल ट्रष्टमा भएका सम्पत्तिको व्यवस्थापन एवं आय आर्जन गर्दै राष्ट्रहितमा प्रयोग गर्ने/गराउने ।
• नेपाल ट्रष्टको दायरामा आउने सम्पत्ति खोजतलास एवं अन्य दाताहरुबाट प्रदान हुने सम्पत्तिको प्राप्ति तथा सञ्चालन गर्ने ।

• ट्रष्टको सम्पत्तिको समुचित व्यवस्थापन गरी यसको संभार र संरक्षण गर्ने
• राजा वीरेन्द्र, रानी ऐर्श्वर्य र निजहरुको परिवारको कानून बमोजिम ट्रष्टलाई प्राप्त हुनु पर्ने सम्पत्ति नेपाल भित्र वा नेपाल बाहिर खोज तलास गर्ने र त्यसको वास्तविक स्थिति पत्ता लगाई यथार्थ विवरण सहितको अभिलेख राख्ने ।
• ट्रष्टको स्वामित्वमा आउनु पर्ने सम्पत्ति ट्रष्टको नाममा नामसारी दाखेल खारेज गर्राई ट्रष्टको हक संरक्षण गर्ने ।
• ट्रष्टको सम्पत्ति कानून बमोजिम राष्ट्रहितमा प्रयोग गर्ने  तथा आय आर्जन हुने कार्यमा लगानी गर्ने वा गराउने ।
• तोकिए बमोजिमका अन्य काम गर्ने वा गराउने ।

नेपाल ट्रष्टको स्वामित्वमा हाल सम्म नेपालका बिभिन्न १२ जिल्लामा अचल सम्पति रहेका छन् । ति यस प्रकार छन्

१ काठमाण्डौ २ भक्तपुर ३ ललितपुर ४ काभ्रेपलान्चोक ५ सिन्धुपाल्चोक ६ मकवानपुर ७ नुवाकोट ८ धादिङ ९ चितवन १० कास्कि ११ सुर्खेत १२ धनकुटा

नेपाल ट्रष्टको स्वामित्वमा हाल सम्म १२ जिल्लामा कुल 21562–4–2–1 राेपनी अचल सम्पति रहेका छन्

 नेपाल ट्रष्टलाई एक अविछिन्न उत्तराधिकारवाला स्वशासित र संगठित संस्थाको रुपमा कानूनी वैद्यता प्रदान गरिएको छ । कानूनले ट्रष्टका कार्यहरु सञ्चालन र व्यवस्थापन गर्न छुट्टै सञ्चालक समितिको व्यवस्था गरेको तथा  सञ्चालक समितिबाट नै ट्रष्टका सबै कार्यहरु सम्पादन हुने प्रावधान रहेकाेले  स‌चालक समितिकाे गठन भएकाे देखिन्छ । 

संचालक समिति (केही नेपाल ऐन संसोधन गर्ने ऐन २०७५ बाट संसोधित)

संरक्षक

सम्माननीय प्रधानमन्त्री

नेपाल ट्रष्ट सञ्चालक समिति पदाधिकारीज्यूहरूको नामावली